Tynyap uwi ya u pa wa ar ngut ki diah chynrang wei pynmynsoo ya san ngut

Le ngut ki bru na ka jooh ka manyung da chah tynyap ki wei san ngut won da mynsoo ki ha Gholaghat hapoh ka Nilambazar Police Station ka Sribhumi District, Assam ynne i step.

Ya uwa tynyap da tip kam u Faruk Ahmed, uwa da tynyap ya u pa yong oo, u Khalil Uddin wa ar ngut ki diah khian heipor 3:00 waje i step.

Ya kini ki diah da tip kam u Jahangir Hussain (10) wa u Alam Uddin (7), kiwa da yap chithaw katwa u Khalil won da yap u ha Hospital.

San ngut kiwi tawon wa kynthup ya ka bei, ka Alia Begum wa uwi u diah, u Altaf Hussain da mynsoo ki wei da kit ya ki cha Silchar Medical College & Hospital.

U Nilambazar Circle Officer, u Anurag Gogoi da pyntip u wa da kit ya kiwa mynsoo cha Hospital wei ki janyung da ong ki wa u Faruk toh uwa kyrni drugs.

Neiliang u Deputy Superintendent of Police, u Manas Pratim Choudhury da ong u wa ki pulit dapoi ki ha i thaw wa jia mar tip yei yap ki khynnah.

Related posts

Yap 23 ngut nei ya tyrrah kari ha Kaziranga

November 13, 2026

I kyrchaan u Dr. Kharlukhi daw myntoi bha i ya ka Congress: Vincent Pala

November 13, 2026

Da suba wa ini da jia i nei kajia hapoh ka yung ka sem wei ya u Faruk Ahmed da kem noh ki pulit.

Ya ki metyap da kit cha Karimganj Civil Hospital wow leh ya ka Post-Mortem.