Ka Chief Minister ka West Bengal, ka Mamata Banerjee da pynsñiaw ko yei khyrngiat wow yoo yeiwa jia ha Salt Lake Stadium, Kolkata ynne heipor wa pynman ya ka yalang yow pdiang ya u Lionel Messi hakhmat ki phaw hajar ngut ki bru paidbah.
Da ong ko leh wa ini da jia i neidaw wym biang i rukom pynman ya kani ka yalang heiwa ka dang em ko ha luti wow lai cha kani ka Stadium heipor wa jia ini deiwa yooluti leh wow yoh u yoo ya u Messi.
Da paan map ko leh na u Lionel Messi kamjooh na ki paidbah yeini wa jia wym em poi pyrkhat.
Da pynbna ko leh wa da thung da ka Enquiry Committee hapoh i yahkhmat u Justice (Retd.) Ashim Kumar Ray deilang u Chief Secretary wa Additional Chief Secretary, Home and Hill Affairs Department kam ki dkhot.
Kani ka Committee daw pynman ko ya ka takit wa bniah yow chem ya kiwa toh u bahkhlieh yeini wa jia yow lait biang u jia kamni neini chakhmat.
Ki pulit da kem ki ya u Satadru Dutta uwa man kam u Main Organiser wei da pyntip leh wa daw phah pynuiñ ya ka poisa ki paidbah wa wan.
Kam wow pynkynmoo wa ki paidbah neidaw wym chynna ya u Messi heipor wa hiar u cha madan neidaw wa em boon ware ki bru wa bood wei kær oo waroh soodong, da sdang ki wow kawang da ki klong um wa ki chuki cha madan wei hadien da psiah ki leh cha madan hadooh wa hap ki pulit wow kdong ki.
Ki Ticket wa da dai dapoi hadooh Rs. 12,000 yow yoh u yoo ya u Messi.
Discussion about this post