15 49.0138 8.38624 1 0 4000 1 https://wyrta.com 300 0
Advertisement ad1

Paan maap uwi hadien wa pynbaad u ya kawi wa em ko ha iwi i Video wa khlemsarom

0 Comments

Jowai: Hadien wa chah pynbaad kawi ka kynthai kawa naka chnong Wahiajer kawa tip kam ka Levancy Lyngdoh wa toh ka ka kynthai wa em ha i Video wa khlemsarom wa emlang u chynrang waka kynthai heiwa ha ini i Video ym chynna yei dur ka kynthai wei da yaklam ki leh dei ktien Pnar, iwa da poor lyngba u WhatsApp, neiliang kawa chah pynbaad da ujor FIR ko haka 14-10-19 pyrchah ya uwi u bru wa tip kam u Jerrymaya Laloo uwa pharep yaka deiwa phone u leh cha ka haka 12-10-19 deiwa ong wa ka kynthai wa em hapoh i Video toh ka.

Neiliang ka Levancy da pyntip ko wa neini i pharep u Jerrymaya da bna lut haka chnong wa toh ka kawa em hapoh i Video hanlada ym toh ka iwa da pyndooh burom yaka.

Kamtæ ynnin 6 tarik da yoh ki u yachem waroh arliang ha Ummulong Beat House heiwa da poi cha ka sñiawthooh yumut pynarliang wei da poi cha i ya suk.

Neiliang ka Levancy da pyntip ko wa da paan maap u Jerrymaya deiwa ong wa muaid u haka sngi wa phone u cha ka wei da pharep u ka hanlada ym toh ka kawa em ha i Video, wei da paan maap u leh naka yung ka sem kamjooh naka chnong ka thaw kamtæ da pyndam noh yaka FIR wa da e pyrchah ya oo.

0 Comments

Leave a Reply