Ka seiñ EJNC ynne ka sngi hadien wa da poor ka khubor wa ha ki kattu katni ki thaw ka thaaiñ East Jaiñtia wa da wan ki bru sorkar wow pynyieñ Signboard ha ki thaw pynhaap mooyong (Depot) ki tre mooyong heiwa ha ka Signboard da thoh wa ya utai u mooyong toh uwa da chah kem (Seized) kaktam ka aiñ MMDR Act heiwa da thoh bakla MMDA Act.
Neiliang ka seiñ da lai yachem ko ya u Deputy Commissioner ka East Jaiñtia wow yaklam hajrong ini heiwa neiliang u DC da ong u wa da phah wow leh yeini da ka sorkar jylla wei yeini da leh hadien i wan u Chief Justice ka Meghalaya uwa da sakhi ya iwa boon u mooyong wa dang dep tih.
Ka seiñ da booh ko leh yei kylli wa em ki bru kiwa da kaam ya idæ kam ki High Level kiwa da chalan tooh ya u mooyong chadooh cha Malidor khlem da tip da ki bor District wei lada i rukom kem ya u mooyong man ko salonsar lane deiwa leh chilliang.
Katwa kamtæ ka sein da e yumut ko ya u DC wow thung u da ka Independent Inquiry hajrong ini. Ka sein heijooh i por leh kyntu ko ya ki bor kiwa haneiñ wa chwa wow leh ya kam kini ki kaam toh u e chwa ki da i pyntip cha ki paidbah khnang wow lait na iwon iwon i kulmar.
Puræ leh: Khyrngiat ka High Court wow yoo chiboon i tih mooyong pyrchah aiñ ha thaaiñ Khliehriat
