theme-sticky-logo-alt
theme-logo-alt
Advertisement ad1

U yakhun Election ka payu tre ka Ampareen na Nongthymmai

Advertisement ad1

Ka Dr. Jasmine Mary Lyngdoh da pynsñiaw ko yei thmu wow yakhun ya ka Election MLA ha u snem 2023 na Nongthymmai Constituency.

Ka Dr. Jasmine toh kawa kreh kam ka Clinical Psychologist yong ka RoUTES, da pyndep ko leh yei puræ MA, PGDGC, M.Phil wa Ph.D wei man ko chi payu tre wa ka MLA na East Shillong, ka Dr. M Ampareen Lyngdoh.

Hawa kylli hadooh katwon sñiawskem wow yoh yei jop, da ong ko wa waroh iwa ye lada kreh chitom neibhah emkaam wow sñiawthooh yei eh ki paidbah deiwa pynrap wa ha ini i por wa katni da duna bha i ya syllok wa kiwa mihkhmat.

I yakhun yong ka Dr. Jasmine ha Nongthymmai u man ko pyrchah ya u MLA wa katni uwa man leh u President ka AITC, u Charles Pyngrope wa ya u MLA warim uwa man uwa yahkhmat ka ka UDP, u Dr. Jemino Mawthoh.

Hawa kylli chooh chooh da ong wa ki toh ki bru kiwa da tip bha ya ka saaiñ hima sima, tangwa hanla man ko kawa dang thymme ha kani ka bynta, ka manyung wa wan ko toh wow chakri ya ki paidbah ha ka saaiñpyrthai da boon ki snem, wei lada yoh ya ka laad daw yakhun bait yow poi cha ka thong.

Da ong ko wa i psiah cha ka saaiñpyrthei toh ka rynsan wow yarap ya ki khynroo, ki manbei wa ki manyung mansem, wei khamtam ha ka puræ puthi wa ki khynroo khyllood u sñiawthooh ki wow jied wei u sñiawthooh ki wow yieñ ha ki kjat yong ki hi.

Ka Dr. Jasmine da pyntip ko wa da sdang ko wow pyntipmit ya idæ cha kiwa chong chnong ka Nongthymmai nadooh u Khonchonglad (Nov) 2021 ya i thmu wow yakhun ya ka Election. Da ong ko wa i daw wa da mih ko cha ka saaiñ hima sima toh neidaw wa ka manyung wa mih ko leh toh kawa em chwa ha ki kaam chakri paidbah, wei pynsñiaw ko wa ha kani ka juk wa katni da emkaam ya ki manbei leh wow mih pyrthai ha ka synchaar khaddar wow e yumut wow yarap ya ki manyung mansem kiwa em hei eh wa ya ki khynroo khamtam wow saaiñdur ya ka mynried.

Advertisement ad1
Share this:
Previous

Paan pynche ka EJNC na u DC yei pynyieñ Signboard wa da kem ya u mooyong

Next

Da booh pulit yow pyntikna wa lai bait i jied Dolloi ha ki ar Elaka: SP