Jowai: Ka Hynniewtrep Youth Council (HYC) War Jaiñtia Circle ynnin ka sngi da e ko dei thoh cha ka Sub-Divisional Officer Civil Amlarem hajrong le tylli ki phang wa emkaam neibynta u paidbah ka thaaiñ.
U Publicity Secretary u R. Mukhim da ong u waka chnat Civil Amlarem toh u pynche paidbah ko lyngba ki laad pathai khubor, wa kiyi ki mar wa ki bru wa em ha ka Home Quarantine toh u yoh ki naka sorkar wei katwon sien hap yoh ki haka chi tayaw.
Neitæ katwon hap yoh ya samen u bru næ ka bru, wei emkaam hi mo wow su ki næ toh iwa dei mynkna da kylli ka seiñ.
Lada jia wym yoh iyi wa ki bru ye ki u leh? Em hi mo ki Toll Free number wa ye ki u pyntip, namo em ka ophis kyrpang wa ki ye ki u pyntip.
Ka seiñ da ong ko wa lada katai ka chnat krehkam wym ye ko u jubab yeiwa kylli ka seiñ daw leh ko yeiwa emkaam.
Katwa neiliang u General Secretary u Tohmondiam Mukhim dawa jingpynche u naka SDO heiyatoh wa u khoo, u dai na ka Scheme PMGKAY (ka Scheme wa e khoo 5 kg neibynta samen bru deilang wow dai 1kg neibynta u bnai April, May wei June 2020), iwa da phah pynpoi Doorstep Delivery cha ki dukan rachon.
Da kyntu yaka SDO wow pynche hajrong katai ka phang lyngba ki laad pathai khubor neibhah ki paidbah emkaam ki wow yoh yei pynche.
Da ong wa lada wym ye ko u pynche hapoh ar sngi ka seiñ daw lai ko chakhmat wow leh yeiwa emkaam.
Discussion about this post