Shilllong: U MLA ka BJP na Pynthorumkhrah uwa man leh u Montri ka Sorkar MDA, u Alexander Laloo Hek da pyntip u wa ynne ka sngi dang paan yutip u naka chnat Political yong ka jylla hawa yatoh wa i klam yasuk wa ka Hynniewtrep National Liberation Council (HNLC).
Katkam wa pyntip uwa yahkhmat ka BJP, da ong u wa ha i yaklam wa ka sorkar India ha i yachem wa u Montri Khynnah ka Kaam Pohyung, u Kishen Reddy, da pynsñiaw u wa kwah u wow tip hadooh katwon i pyrchang yaklam yasuk rap nachwa wa ka HNLC da lai i, neibhah wa u Montri kwah u wow tip bniah.
Da ong u wa katni kam uwa mihkhmat da yoh u wow yaklam wa kiwa yahkhmat ka HNLC wei da paan yutip na ka Politiccal Department hajrong i yaklam wa nachwa, wei neiliang yong ka Party dang pteiñ ko wow yaklam wa ka sorkar India neibynta wow khut yaklam noh smat wa ka HNLC.
U Hek uwa man leh u Montri ha ka chnat i chait i khiah da ong u wa kamwa man kattæ ini i kaam rap chimpor ko neidaw wa em ka khlam COVID-19, wei ym ye wow chem man-i-por wa ki Montri sorkar ha Delhi.
Hawa yatoh wa i pynkrehkaam ya ka Inner Line Permit (ILP) ha Meghalaya, u Hek da ong u wa hajrong ini i kaam, u Montri Rangbah, u Conrad K Sangma da lai u wow yaklam wei kam uwa mihkhmat paidbah oo chaniah bait u ha u Montri Rangbah.