U Chief Minister ka Assam, u Himanta Biswa Sarma ynne da ong u wa ka sorkar da pait ko ya ki 72 tylli ki YouTube Account kiwa khrong poisa neibynta i chlai-um ha ka jylla wei dang pait leh yei rukom krehkaam ki.
U Himanta da ong u wa kini ki YouTuber da leh ki chiboon ki kaam heiyatoh wa i chlai-um tangwa ka sorkar ym em u yakut ko wa ki wow khrong poisa.
Da ong u wa ka sorkar da yoh yukheiñ ko ya ki 72 tylli ki Account kiwa khrong poisa heipor wa chlai-um wei dang booddien yow chem kammon wa pynemkaam ki ya kani ka poisa.
Chooh chooh da ong u wa ka sorkar ym em mang ko ya ki YouTuber neibhah ki da leh ki chiboon ki kaam tangwa daw pynchitom leh ya kiwa pynemkaam bakla næ tyngkheiñ ya ka aiñ.
Da ong u wa em kiwa da kam wa yoh ki hadooh Rs. 1 klur wem kiwa yoh Rs. 50 lak wei ya kini daw booddien wa poi sakhiat ka poisa cha kiwa chah ktah nei chlai-um wei ya kiwa lehbha wei pynemkaam sakhiat ya ka poisa daw e ka sorkar da ki Letter of Appreciation, deiwa pynrap u wa waroh i jait toh u leh deiwa khooid.
Discussion about this post