Jowai: Ka seiñ East Jaiñtia Farmers & Suppliers Association (EJF&SA), hei lai yachem ki wa ki sahep ka A.H. Veterinary Department yong ka East Jaiñtia Hills District, Khliehriat hei emlang u President ka seiñ u Moonki Sana wa u General Secretary u Deijuhhi Siangshai da chem kiwa wa kani ka tnat ym em Scheme ko iyi iyi leh.
Ka seiñ da chem ko wa nadooh u snem 2014 hadooh uni u snem kani ka tnat ym em Scheme de ko wow yarap ya ki paidbah iwa man wa sñiawphylla wa pynduh mynsien hadien wa ka sorkar da pynchlur ko wow rep wow ri mrad na ki por cha ki por ha ki khubor wa jooh pynmih ko.
Ka seiñ leh da ong ko wa sñiawsih ko neibhah yoo kamwa leh chilliang ka sorkar neibhah cha kiwi ki district yoh yarap hi ki na kani ka tnat wei ye u man wa kiwa mihkhmat yong i toh ki wym chimkhia ya i rep i riang, i ri mrad i psan dakha neibhah ki man ki kiwa da dap da biang ym kynmoo de ki u pyrkhat wa ini waroh toh i im i yap ya kiwa boon.
Ka seiñ leh da chem ko wa dang em chooh i duna kani ka tnat hei yatoh i chakri ko ya ki paidbah neibhah ha Tuber Kmaishnong KVC man ko du kawi donhi ka thaw wa e yarap neibynta ki mrad ki mriang wei kani ka KVC em ko du kawi donhi kawa pait ya kiwa boon bha ki chnong.
Iwa sñiawdiaw chooh chooh toh wa ki chnong kiwa marjan ym tip ki chaphang kani ka thaw kreh neibhah boon ym jooh em kiwa kreh man ka sngi neibhah ka wakreh em du kawi donhi ha kani Tuber Kmaishnong K.V.C ka leh da lai kreh ko cha baarjylla. U chowkidar leh ym yoh thaw sah u neibhah ka Quarter da man ko kam ka trep masi kawa da jæd da boon snem.
Kamtæ neiliang ka seiñ da kyntu ko ya kiwa mihkhmat yong kane thaiñ wow chim khia ki ya kani ka kaam.
Discussion about this post