Jowai : Kam chibynta wow pynsñiawthooh paidbah wei wow pynche ya ki chaphang ka Digital India wa ki laad krehkaam (services) hapoh yong ka, ka sorkar da booh kyrpang ko ya ki kari kiwa em ya ki dur, ki video wa kiwi ki wow esikai ya ki paidbah wa em cha nongkyndong.
Kani ka esikai næ ka ebatai ya kawa da tip leh kam ka Outreach Campaign hapoh West Jaiñtia Hills da sdang ya ka nadooh ynne ka 24 tarik hadooh ka 12 Khonchonglad (November), 2016 heiwa daw lai cha ki 20 tylli ki chnong hapoh ka District.
Ya kani ynne ka sngi da wai ya ka da u DC ka WJH u Arunkumar Kembhavi, hei emlang ka P. Mawlong, E-District Manager Information Technology Department, ka I. Rymbai, District Information Officer NIC wa kiwi kiwi ha pchem office u DC ha Jowai.
Kani ka Mobile Van under Digital India Outreach Campaign u lai ko cha ki chnong kam ka Shanpung, Raliang, Sahsniang, Laskein, Mowkaiaw, Mynso, Nongtalang, Dawki, Sokha, Muktapur, Ummulong, Moodymmai, Wahiajer, Nartiang, Khliehtyrshi, Mukhkla, Mooskahia yow e batai ko chaphang ki skhim ka sorkar kam u Digital Locker, AADHAR, wa kiwi kiwi.
Lyngba ka MyGov ki paidbah ye ki u pachat yumut hei yatoh wei rukom krehkaam ka sorkar, heiwa da booh thong leh wa daw kynjoh 1 lak hadooh 1.5 lak ngut ki wow yoh myntoi neini.
Discussion about this post