Ka Rozgar Mela kawa da pynman ha 47 tylli ki thaw ka ri neibynta wow pynsmat yei thung kreh ha ki chnat ka sorkar pyrdi wa sorkar jylla heiwa kiwa yoh kreh u kreh ki kam ha ka Department of Revenue, Ministry of Home Affairs, Department of Higher Education, Department of Atomic Energy, Ministry of Defence, Department of Financial Services, Ministry of Health & Family Welfare, Ministry of Tribal Affairs wa Ministry of Railways ha ki kyrdan waphær waphær.
Ynne da saam ya palat 1 lak tylli ki chithi thung kreh wei da em leh boon kiwa da yoh kreh hapoh ki Paramilitary Forces kam hapoh ka BSF wa kiwi kam kini ki chnat chipai.
Ya ini i saam chithi thung kreh da chimbynta da u Prime Minister, Narendra Modi lyngba ka Video Conferencing wei da booh u leh ya u mooyurim ka Phase I ka Integrated Complex “Karmayogi Bhavan” ha New Delhi.
Ha Meghalaya da wan wow saam ya ki chithi thung kreh da u Dr. Subhas Sarkar, Union Minister of State for Education haka yalang wa da pynman ha U Soso Tham Auditorium, Shillong.
U Modi da ong u wa i thong ka sorkar toh yow e kreh ya ki khynroo khyllood deiwa pynsmat yei e chithi thung kreh yow lait nei kaam pynbaam poisa yow pynman leh ya ini i kaam iwa khooid.
“Katni ki khynroo da ngait ki wa deiwa kreh chitom daw yoh ki yei hok yong ki hawa yaleh kreh”, da ong u Modi.
Discussion about this post