Kam chibynta wow yada ya ki bru paidbah nei tdem kamjooh wow pynduna yei pynemkaam sikret, neiliang ki pulit ka East Khasi Hills da pynjoor ki yei pynkrehkaam ya ka aiñ Cigarettes and Other Tobacco Products Act (COTPA), 2003 deiwa pait ya kitu kiwa dih sikret ha thaw paidbah wa i dai sikret duma pyrchah ya ka aiñ hajan ki skur ki College.
Yeini da yahkhmat da ki pulit ka Cantonment Beat House wa Lumdiengjri Police Station, kiwa da yoh wow daiñ kuna boon dooh ya kiwa da tyngkheiñ aiñ deiwa dih sikret ha ki thaw paidbah.
Kiwi ki Police Station, Outpost wa Beat House hapoh ka District waroh kawi leh da sdang ki wow leh yeini kam chibynta ka National Tobacco Control Programme (NTCP) wa pynkrehkaaam da ka Health & Family Welfare Department hapoh ka National Health Mission (NHM), Meghalaya.
“Ini wa da leh ymtoh du neibynta wow daiñ kuna tangwa yow pynkylla yei rukom myllien ki bru wei wow yada ya ki khynnah, ki waheh ki wym em dih sikret kiwa da hap riñ yei tdem kiwa dih sikret. Ka thong i toh yow pynman ya ka Meghalaya kam kawa lait nei pynemkaam duma-sikret,” da ong uwi u heh pulit.
Ini wa leh ki pulit da yoh i yei kyrchaan na kiwa lai puræ kamjooh heiwa uwa puræ ha St. Anthony’s College da ong u wa ki khynnah hap ki wow chem chitom nei tdem wei ki pulit da leh ki yei kaam wa bha.
Ka Dr. Nabneeta D. Mawrie, NTCP State Nodal Officer da ong ko wa u duma u sikret toh kiwa da wanrah ya 40% na waroh ki Cancer wa 90% ki Oral Cancer wei deiwa pyndooh yeini daw ye leh wow pynim ya kiwa boon.
Ha kini ki le bnai wa da lai, ki pulit ka East Khasi Hills da daiñ kuna ki hadooh 1178 sien wei da yoh ₹99,280.
Discussion about this post