U Montri Rangbahdooh ka ri, u Narendra Modi da khut yalang u ya ki montri rangbah ki 11 jylla wow booddien yei man i long wa i emkaam yong ki heiyatoh wa i yakhun ya ka khlam COVID-19.
Kini ki 11 jylla kynthup ki ya ka Kerala, Uttar Pradesh, Delhi, Punjab, Gujarat, Madhya Pradesh, Maharashtra wa kiwi kiwi.
U Modi da ong u wa i e dawai yada COVID-19 ymtoh u suki i wei toh u pteiñ i kamwa man katni.
Da ong u wa i e dawai tika hapoh ka ri toh iwa heh dooh ha ka pyrthai wei hadooh katni da e mynkna palat 15 klur sien (Dose) cha ki jylla.
Ka thong wa sdang ka sorkar pyrdi wow e dawai mynkna cha waroh kiwa 45 snem chajrong wa kiwa kreh ha i chait i khiah wa kiwa yakhun haphrang dooh namo ka Front Line Workers u pteiñ hi i.
Da pynrap u deiwa ong wa nadooh ka 1 Naisan daw sdang e dawai leh ya kiwa 18 snem chajrong wei emkaam wow pynkhlan yei rukom e ya ini i dawai.