15 49.0138 8.38624 1 0 4000 1 https://wyrta.com 300 0

Palat 1500 ngut wan yaleh exam SSLC ha Jowai

0 Comments
Advertisement ad1

Jowai : Ka exam Secondary School Leaving Certificate (SSLC) namo kawa jooh khut kam ka exam Matric da sdang ya ka ynne ka sngi hapoh ka jylla Meghalaya waroh kawi. Kani ka exam toh kawa emkaam bha heiwa ye ko u jied ya ka luti puræ ki khynnah. Kamtæ neilaing u Wyrta ynne ka sngi do yoh u lai cha waroh ki 5 tylli ki thaw thoh exam ki khynnah hapoh ka chnong Jowai wei da chem wa man ko kawa lai bait lai ryntih.

sslc2

Hapoh ka chnong Jowai da bynta ya ka ha ki 3 bynta ka Jowai-1, Jowai-2 wa ka Jowai-3.

Ha ka Jowai-1 da bhah won sa ka Sector-A wa ka Sector-B. Ka Sector-A kynthup ko ya ka Government Boys’ Higher Secondary School katwa ka Sector-B toh ka Government Girls’ Higher Secondary School.

Ha Government Boys’ HSS da em 430 ngut ki khynnah na 11 tylli ki wa wan thoh exam. Ha Government Girls’ HHS da em 338 ngut ki khynnah wa wan thoh exam.

Ha ka Jowai-2 da em ka Marianhill Higher Secondary ha Sector-A katwa ha Sector-B da em ka H.K. Singh Memorial Secondary School.

Ha Marianhill HSS da em 291 ngut ki khynnah wa wan thoh exam naki 16 tylli ki skur katwa ha H.K. Memorial SS da em 287 ngut ki khynnah na 10 tylli ki skur.

sslc1

Ha ka Jowai-3 da em du ka KJP Synod Higher Secondary School wei da em leh 264 ngut ki khynnah wa wan thoh exam na ki 8 tylli ki skur. Ka KJP Synod HSS man ko leh ka thaw thoh exam wa sdang ha uni u snem.

Nalor ki khynnah wa puræ ha ki skur da em leh ki Private Candidates wa ki Compartmental Candidates kiwa wan yaleh ya ki wi ar ki subject wa ym pass ha i pyrchang nynkong yong ki.

Ha waroh kini ki skur da chem wa ki khynnah skur yong ki 5 tylli ki skur ym yoh ki u chong exam pyn ha ki skur yong ki, da booh thaw ya ki cha kiwi ki skur lait noh na ka KJP Synod SS heiwa ki khynnah yong ki yohlad ki u thoh exam pyn ha skur yong ki hi iwa katkaam wa da pynbeit da ka MBOSE.

Ha KJP Synond HSS da em leh uwi u khynnah wa kjut niangsyiar næ Chicken Pox wei da e ya oo i kamra yong oo hi u thoh exam katkam ki kyndon wa da booh da ka MBOSE.

Neilaing u Wyrta da pynehdaw pynehnasib u ya waroh kiwa yaleh SSLC yow yoh ki u poi cha ka thong i jop yow wanrah yei naam i burom ka District wa ka jaitbru.

sslc3

sslc4

sslc5

sslc6

sslc7

sslc8

sslc9

sslc10

Advertisement ad1

0 Comments

Leave a Reply