Jowai: Ynne ka sngi ka jylla Assam da pynmih ko ya i pyrtuid wa khaddooh ka National Register of Citizen (NRC) heiwa palat 3.11 klur ngut ki bru da mih pyrtuid ki, katwa palat 19 lak ngut won da chah kyntait ki.
Neiliang ka sorkar Assam Government da chem ko wa 3,11,21,004 ngut ki bru em hok ki wow em hapoh ka NRC. Katwa 19,06,657 ngut won da chah kyntait ki kiwa ym ye u pynbiang ya ki kyndon wa ki man ki ki tre ri ha jylla Assam.
Ka sorkar da pynyiñsur ko ya i por ya kiwa chah kyntait naka 60 cha ka 120 sngi wow wan ki chakhmat haka Foreigners’ Tribunal kiwa da booh ha kiwa boon ki thaw neibynta ini wei daw e leh ka yarap mynkna lyngba ka District Legal Services Authority wow ya saaid neibynta yong ki.
U Himanta Biswa Sarma uwa man kam u Finance Minister ka Assam da ong u wa man ko kawa bakla neibhah dang boon ki baar ri kiwa toh u chah kyntait ym du ki 19 lak ngut wei ka Party BJP u yaleh ko wow kyntait ya waroh ki baar ri.
Neiliang ka Congress won da ong ko wa em boon ki tre ri leh da chah kyntait kiwa wan pyn naka jooh ka manyung katwa kiwi won kiwa naka jooh ka manyung da chah jied ki.
U Prime Minister ka Pakistan u Imran Khan, da beiñ joor u yaka sorkar u Modi deiwa ong wa ini i leh toh kawa pyrchah du ya ki Muslim yow pynwiar jait ya ki wei ka pyrthai toh u khyrngiat ko nadooh wa kam yabor ka India yaka Kashmir kawa man leh iwa leh pyrchah ya ki Muslim.
Hapoh ka jylla neiliang ki pulit waka seiñ KSU da pynman ki ya i sylli ya ki kari wa psiah chapoh ka jylla yow pait ya ki kot ki sla wei da pynuiñ ya kiwa ym em biang ya ki kot ki sla.
Discussion about this post