Ynne i janmiet, kiwa yahkhmat ka West Jaiñtia Hills District Sports Association (WJDSA), da pynman ki yaka yalang wa tbian ha Kiang Nangbah Indoor Stadium, Jowai yow pyn-eh-daw pyn-eh-nasib chwa wa ki khynroo khyllood yong ka District kiwa em 216 ngut deilang wa ki Coach u mih lai chimbynta ki cha ka 5th Meghalaya Games 2024 kawa daw sdang nadooh ka 15 tarik hadooh ka 20 tarik uni u bnai ha Tura, West Garo Hills District.
Ha kani ka yalang da emlang wa u DC ka District, u BS Sohliya uwa da ki ya ki kyntien kyrkhu kyrdoh wa i sneiñ i kroo ya waroh.
Neiliang won u Vice President ka WJDSA, u Patrick Lamare uwa man leh kam u Chef De Mission namo uwa yahkhmat yaka West Jaiñtia Hills Team cha kani ka lympung, da pynchlur u ya kiwa lai chimbynta wow ngiat ki ha idæ wei wow e lut ki katwa ye ki yow poi cha ka thong.
Da yoh leh yei duwai wa ki kyntien khublei na u Homelin Bareh, Assistant Chef De Mission ka West Jaiñtia Hills Team wei da ya emlang leh ki dkhot ka WJDSA wa kiwa ha-yung ha-sem kiwa yalehke.
Kam wow pynkynmoo wa kiwa yalehke wa chimbynta hei yalehbol da mih chwa ki ha kini ki sngi wa dep.
Najrong ka bol, daw chimbynta leh kiwa yalehke chynrang wa kynthai ka District ha ka Athletics, Basketball, Archery, Volleyball (chynrang donhi), Karate, Judo (chynrang donhi), Taekwondo, Wushu, Boxing Cycling, Arm Wrestling, Badminton.
Daw chimbynta ki leh ha ki yalehke tynre wa kynthup yaka Moopoin, Wapong Sika (chynrang donhi) waka Rah Moo Khrah (chynrang donhi).
I pyrtuid kiwa lai chimbynta man ki kamni:
Discussion about this post