Ka Meghalaya State Skill Development Society (MSSDS) da pynman ko ya ka Job Fair wa ar sngi ha ka 21 wa 22 tarik uni u bnai ha pchem ka State Central Library yow pynman ya ka yaw thooh kreh ya kitu ki khynroo khyllood kiwa da biang ka puræ puthi. Ya kani da leh hapoh ka Skill Acquisition and Knowledge Awareness for Livelihood Promotion (SANKALP) kawa da pynman hapoh ka Ministry of Skill Development & Entrepreneurship ka sorkar India.
Ya kani ka Job Fair da wan wai da u Shivansh Awasthi IAS, Executive Director, MSSDS uwa da khana ya kiwa boon wa da leh da ka MSSDS neibynta wow pynpliah yei sap ki khynroo khyllood ka jylla.
Ha kani ka Job Fair da em palat 2000 ngut ki khynroo khyllood kiwa da wan yooh kjat yow tip chaphang ki jait kreh wa em heiwa da em leh 30 tylli ki thaw yoh kreh nadooh hapoh ki Bank, Beauty & Wellness, Hospitality, Unarmed Security, Telecom, Fashion Industry, Insurance wa kiwi kiwi kiwa da pynyoo ya ki jait kreh wa ye u yaleh.
Da jied leh ya kamwa 500 ngut kiwa ye u yoh kreh ha kini ki ar sngi. Ka MSSDS daw booddien ko ya kini wei daw pyntip leh neini chakhmat manda lait kreh.
Ya kam kani ka jooh daw pynman ha ri-loom Garo wa Jaiñtia ha kini ki bnai wow wan.
Daw pynman leh ya ka Haat Bazaar da ka MSSDS ha ka 23 tarik uni u bnai ha ka jooh ka thaw neibynta kiwa chna tiar chna tar kamjooh kiwa seiñ khih yow pynyoo rong ki ya ki mar yong ki.
