theme-sticky-logo-alt
theme-logo-alt

U yakhih biang kiwa sikai SSA lada ym pynlait ka sorkar 2 bnai ka tulop: MSSASA

U President ka Meghalaya SSA School Association (MSSASA), u Aristotle Rymbai da ong u wa lada ka sorkar ymye ko wow pynlait ya ka tulop wa 2 bnai yong kiwa sikai SSA, kamwa da kular da u Montri ka chnat puræ puthi ha ka 2 tarik uni u bnai, neiliang ka seiñ daw yachem biang ko wow pynjoor ya i yakhih wow pyrchah ya i wym mano ka sorkar MDA.

U Aristotle da ong u wa kattu la kamwa 20 sngi wa u Montri da kular u wow su noh chwa ya ka tulop 2 bnai yong kiwa sikai SSA, tangwa manda booddien hadooh ynnin ka 21 tarik na u Secretary of Education, u Ambrose Marak da yoh yutip wa i kaam dang lai i chaphrang.

Da ong u wa ini i leh ka sorkar pynyoo i wa i kular u Montri ya kiwa sikai SSA toh du i buit wow pyndait-thah ya kiwa sikai SSA kiwa da mih cha sarok wow dawa ya ka tulop neibhah ini ymtoh i kaam kyndeh neibhah kiwa sikai da chong ki khlem tulop hadooh 5 bnai kattu.

U Aristotle da ong u wa ka sorkar ymtoh u pynbor ko ya kiwa sikai wow mih biang ki cha sarok chirup wa ki khon ki kti, wei da kylli u leh yei daw wa pynslem ka sorkar ya ini i kaam.

Share this:
Previous

Ka kabu ksiar ya ki Party ri-loom wa yachruit ki National Party: Martle Mukhim

Next

Palat 2000 ngut ki khynroo khyllood wa wan cha ka Job Fair wa ar sngi