Jowai : Ka Wahiajer Mission Centre ka wa em hapoh ka KJP Synod Mihngi ynne ka sngi da pynman ko ya ka Free Medical Camp kawa e dawai mynkna kamjooh leh i sumaar na ki doctor ka Dr. Norman Tunnel Hospital wa u doctor na ka Nangbah PHC. Ya ki dawai da e mynkna na ka Office u DM&HO, Jowai.
Ka Wahiajer Mission Centre toh ka wa pait ya kiwa kreh yong ki Mission Worker, Bible Woman, Bible Men yong ka War Jaiñtia Presbytery, Jowai Presbytery, Nangbah Nangjngi Hadem Presbytery wa ka Wahiajier Moodymai Presbytery kiwa sikai cha ki paidbah ya ka Bible cha waroh ki thaw wa da pynkit ha ki.
Ha chwa u sdang ka Health Camp kawa pynman ha Lumbehkhla L.P. School da em ka yalang kawa tbian heiwa u Rev. C. Suchiang da pynkynmoo u yei nongrim wa im u Jisu ha pyrthai iwa yalap yei ktien u blai kamjooh yow yarap ya kiwa dooh wa duk wa kiwa em hei chitom.
U Dr. B. Dkhar na ka Norman Tunnel Hospital da pynkynmoo u ya kiwa emlang heini yow man ki kiwa leh khooid yow lait na ki kjut wa boon wei kamjooh yow pynneh pynsah ya ka rymaw yow yoh ka umdih wa khooid yow lait u man kam cha ki thaiñ wa tih mooyong.
Ha kani ka sngi da wan 319 ngut ki bru yow yoh sumaar wa kynthup ya kiwa heh wa ki khynnah wa khonbo.
Boon na kiwa wan ynne ka sngi toh kiwa yoh kjut:
1. Suspected Tuberculosis
2. Backache
3. Hypertension
4. Skin lesion / Skin infection
5. Respiratory Tract Infection – upper & lower
6. Diarrhea
Da saam leh cha kiwa wan ya ki kot ki sla heiyatoh wa ka ñiam Khristan. Ini i bynta ka chnong Nangbah toh kiwa boon dang bood ya ka Ñiamtre.
Discussion about this post