Jowai : Ka Wahiajier Mission Centre kawa em hapoh i pyllai ka KJP Synod Mihngi da pynman ko yaka Free Medical Camp heiwa 311 ngut ki bru wa kynthup ya ki tymmen, khynnah wa khonboo da yoh ki yei yarap na ki 3 ngut ki doctor wa wan na Dr. Norman Tunnel Hospital, Jowai wa na Khlietyrchi PHC wa kamjooh ya ki dawai wada e mynkna kawa da yarap na ka ophis u DM&HO.
Da pynman ya kani ka Free Medical Camp ha Mukhla Nongrim ynne ka 14 tarik nadooh 11 waje i step.
Ki kjut wa boon wa ki doctor da chem ki ynne ka sngi toh;
1. Hernia
2. Aute omptali
3. Suspected Leprosy
4. Pulmonary TB (Defaulter)
5. LRTI
6. Chicken Pox
7. Worm Infestation
8. ANC
9. AGE
10. ARI
11. URTI
12. Pneumonia
13. Anaemia
14. Perripheral neuropathy
15. Hypertension / Hypotension
16. Malnourishment
17. Carbuncle
18. Bronchil asthma
19. Urticaria
Ka Wahiajier Mission Centre toh leh ka pait ya i kreh yong ki Mission Worker, Bible Woman, Bible Men yong ka War Jaintia Presbytery, Jowai Presbytery, Nangbah Nangjngi Hadem Presbytery wa ka Wahiajier Moodymai Presbytery kiwa sikai cha ki paidbah ya ka Bible cha waroh ki thaw wa da pynkit ha ki.
Ha chwa u sdang ya kani ka Free Medical Camp da em ka yalang wa tbian kawa pyllai da u Rev. F.S. Lipon wei puræ na ka Bible na ka Balarisuk Marbaniang (Mission Worker).
Da yoh leh yei klam na u Waheh Chnong ka Mukhla Nongrim, na u Rev. C.L. Susngi wa na ka Dr. S. Suja, M&HO In-charge Khliehtyrchi PHC.
U Rev. L. Manner uwa man kam u Field Secretary yong ka synod ha kani ka Center da e khublei u ya waroh kiwa yarap kiwa kyrchan wei da ngooh blai u leh yow man kani ka Medical Camp kawa jop.
Discussion about this post