Ka Dorbar Chnong Lumputhoi chirup waka VWSC da jooh pynman ki yaka yakob pynlang Plastic deiwa phah pynlang waroh chisnem ya waroh ki yung ki sem kiwa em hapoh ka chnong deiwa wanrah ha ka ar tarik u Naiphchiphaw man-u-snem kam ka dak wow leh warom ya ka sngikha u Mahatma Gandhi (Gandhi Jayanti).
Da ya saam leh ya ki khusnaam cha kiwa yoh nongkong, wa ar wa kiwa yoh wa le najrong kiwa yoh mar san kilo chaneiñ. Ka thong yong kani ka pynlang Plastic toh wow wanrah yei khooid i jngiar i soodong sookun ka bei rymaw khamtam yei khooid ka chnong hi waroh kawi.
Ki Plastic wa da pynlang nadooh u snem 2021 hadooh u 2024 iwa la 4 snem kattu dapoi ki kamwa palat 4 Ton, wei ki Plastic man ki kiwa khooid wa jngiar neibhah da hukum ya kiwa chong chnong wa toh u sait ki dep tæ pynlang.
I boon kini Plastic da pynman ya ka chnong wym em thaw de ki wow booh wow pynlang de hapoh ka chnong, ka Dalmia Cement kawa jooh wan kit teiñ teiñ leh ym chim de ko. Kamtæ ka chnong da kyrpaad ko ya kiwi ki karkhana namo ki Cement Plant næ kiwon kiwon ki bru samen kiwa kwah u wan chim u sñiawbha ki u wan kit deiwa Phone ha ini ki Number- 8837371771.
Ka Dorbar Chnong Lumputhoi dadep yaklam ko wa kiwa krehkaam ka Municipal Board kamjooh ya ki bor District neibynta wow yarap pynlai ya kini ki Plastic, tangwa kut du hei kular ktien hi-eh khlem da mih soh mih sla. Wei neiliang ka dorbar chnong ym pu em kwah ko u thang ki neibhah dang yooluti boi daw em ki Company wa kwah u chim ya ki.
Ka Dorbar Chnong Lumputhoi da kyrpaad ko leh ya kiwon kiwon ki bru samen kiwa tip laad wow pynlai ya kini ki Plastic wow sñiawbha ki u yarap deiwa Phone ha i Number wa da e.
Discussion about this post