U SP ka East Khasi Hills District da pyntip u wa ki pulit da leh ki ya kiwa boon ki kaam yow lait u chah ktah i pynkrehkaam yaka aiñ deiwa pynman yei uiñ sonteri ha kylleiñ ki thaw da ki kari wa dei kjat wei da kynreh leh ya ki dukan wa dai kiad wa kiwi de ki mar wa pyrchah aiñ.
U SP da ong u wa uni u bnai toh uwa daw em boon tylli ki tamasa kiwa daw pynman wei yow lait na iwon iwon i jia wa sñiawsih da lai kynreh ha kiwa boon ki thaw wa em ha Shillong hei miet ka 1 tarik.
Ha ini, da yoh wow kem 1538.8 ltr i Beer, 43775 ltr i kiad pharæng wa 270 lt i kiad lieh iwa dapoi waroh 45,583.8 ltr kiwa da dai pyrchah yaka aiñ heiwa da wai wei noh lut ki pyn ha kini ki thaw wa yoh kem ki.
Da pyntip u leh wa ki pulit da pait bniah ki ya kitu kiwa yah kari khlem akor wa dei muaid wa kyntup lang ya ki kari ar chaka yow lait nei mynsoo wei yap bru.
Discussion about this post