Jowai: Ka Muthlong Health Camp & Awareness Group (MHC&AG) da pynman ko ya ka e sumaar wa i saam dawai mynkna cha kiwa chong chnong ka chnong ka Muthlong ha kani ka 18 tarik uni u bnai, ha Madan Skur Sorkar Thadmuthlong B.
Ha kani ka sngi da yoh myntoi hadooh kamwa 460 tam ngut ki paidbah kiwa da wan chim dawai wa kynthup ya ki tymmen, ki manbei manpa kamjooh ki khynnah heiwa ki doctor da pynsñiaw ki wa kam kani ka e sumaar man ko kawa yarap bha ya ki paidbah wa chong chnong ha ki thaiñ nongkyndong.
Kani ka seiñ da ong ko wa kam kani ka e sumaar wa i saam dawai daw leh man la u snem. Ha kani ka Health Camp da wan sakhi wei wai emburom ya ka da u Coming One Ymbon uwa jooh man kam u MLA warim kani ka thaiñ, heiwa ha i klam yong oo da ong u u i kjut toh ka thma bah yong ki paidbah liang wanang katwa kamtæ ki bru emkaam wow ya ksohkti lang ki wow chimkhia khamtam ha i rukom im nadooh i lehkhooid khnang wow ye u pyndooh ya i kjut wa ha rukom.
Da yoh ya i klam sneiñ kyntu nadooh ki Incharge ka Mynso PHC, Dr. E. Lyngdoh, District Tuberculosis ka Dr. E. Laloo, Meghalaya AIDS Control Society, Group yong ka Adolescence Counsellor Shillong, Head Pharmacist Civil Hospital Shillong u K.P. Sohsley, Phramer Bethany Society kamjooh leh i klam na ki doctor, ki waheh chnong ka Thadmuthlong C Phramer u Y. Lyngdoh, Thadmuthlong A u A. Lyngdoh, Officer Phramer Traffic Cell Phramer u K. Kyndait.
Neiliang ka MHC&AG dap ko dei sñiawngooh ya ki doctor kiwa wan chimbynta lang wa ki ha kani ka e sumaar, ki waheh ki chnong wa ki paidbah waroh.
Discussion about this post