15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynkupburom kiwa sikai SSA Laskein Block ya u Meker Shwa Wann

0 Comments
Advertisement ad1
Advertisement ad1

Jowai: Ka seiñ yong kiwa sikai SSA Laskein Block, ka Meghalaya Sarva Shiksha Abhiyan School Association (MSSASA) Laskein Block Unit West Jaiñtia Hills District ynne ka sngi da pynkup burom ki ya u Meker Shwa Wann uwa man kam uwa seiñ kamjooh leh u Ex-President wa General Secretary ka MSSASA Laskein Block Unit hajrong i krehchitom u neibynta i bha kiwa sikai SSA hapoh ka Laskein Block, District wa ha ka jylla hi waroh kawi.

Ya kani ka pynkup burom da pynman ha Moolibang Community Hall Shangpung ha i emlang u State President ka MSSASA u Aristotle C Rymbai, u Tiplem Sumer u General Secretary MSSASA West Jaiñtia Hills District Unit, ka Middle Pakyntein ka Treasurer ka MSSASA West Jaiñtia Hills District Unit deilang wa ki spah ngut kiwa sikai SSA yong ka Laskein block kiwa da wan sakhi lang.

Advertisement ad1
Advertisement ad1

U Aristotle C Rymbai hei klam yong oo da pyntip u wa ka Meghalaya SSA School Association Laskein Block Unit toh ka Unit wa nyngkong wa seiñ haka 16 tarik u Naichiphaw ha u snem 2010 hapoh i yahkhmat u Meker Shwa Wann wa u Pura Wett kam ki Convener ha kitu ki por napyrdi ki 5 tylli ki Block Unit yong ka MSSASA hapoh ri-loom Jaiñtia waroh kawi.

Da yaroh u yei kreh chit mynsien wa i lenlade yong u Meker Shwa Wann wow kreh neibynta ka bha ka miat yong kiwa sikai SSA hapoh kini ki ynñiaw snem wa dadep hanlada ya oo samen ym em man u kam uwa sikai SSA. Da ong u leh wa eh wei chitom wow chem ya kam kini ki bru kiwa mylliñ yei yong ki samen yow myntoi kiwi wei ka Laskein Block Unit man ko kawa embhah wa yoh kam uni uwa yahkhmat.

U Final Langbang uwa man kam u President ka Meghalaya SSA School Association Laskein Block Unit hei klam yong oo da kitbok kitrwiang u ya u Meker Shwa Wann wow yoh ka doh ka pran wa chait wa khiah kamjooh leh wa u Blai u emlang u wa oo ha kiwon kiwon ki bynta wa u em u ha ka chakri ya ka imlang sahlang.

Share this:
Previous

Ym chah de ya ki bru samen wa ki seiñ u pynman yakhih ki hapoh ka EJH

Next

Palat 460 ngut wa yoh myntoi na ka e sumaar wa i e dawai mynkna ka MHC&AG ha Thadmuthlong