Palat 500 tylli ki tre dieñ thung ka FKJGP wa ka Seiñraij Nartiang

Kam chibynta yong ka World Environment Day, ka FKJGP-Nartiang Circle da thung ko ya palat 500 tylli ki tre dieñ ha Kpær Moopynyieñ namo ka Monolith Garden wa em ha Nartiang, West Jaiñtia Hills.

Ya kini ki dieñ da yoh na ka yung krehkaam ka Range Forest and Territorial wa 50 tre na ka Social Forestry wei da yarap wow wan thung ya ki da ki Village Organisation wa ki Self Help Group na ka chnong deilang ki khon ka Sieñraij Nartiang.

Da lai thung leh ya ki dieñ ha skur Ramkrishna Mission Higher Secondary School, Nartiang heiwa da embynta ki khynnah skur wa kiwa sikai. 

Ha kani ka sngi da yahkhmat wow thung da ki dieñ da u Bin Raliang uwa man u President ka FKJGP Nartiang Circle wa u Wednesday Dkhar, Secretary ka seiñ.

Related posts

Thooh dei kreh ong ka SC ya ka kynthai wa dawa Rs. 12 klur, i yung wa ka BMW kam ka bai yalait kurim

July 22, 2025

Ksoh ka ED ya ki yung ki sem deilang ka poisa wa dapoi Rs. 20 klur yong uwa jooh pynlai ya ka CMJ University ha Meghalaya

July 22, 2025