Ka Meghalaya Youth Exchange Programme 2023 wa pynman da ka Directorate of Sports & Youth Affairs kawa sdang ha ka 16 tarik uni u bnai dapoi ko cha wakut ha ka 20 tarik deiwa wan chibynta palat 700 ngut ki khynroo khyllood na waroh ki 12 tylli ki District ka jylla.
Ya ka yalang pynhaap pyrda da pynman ha Convocation Hall, NEHU Campus Mawkynroh, Shillong deiwa wan wow embynta lang da u Shakliar Warjri, Montri ka chnat Sports & Youth Affairs kam u kongsan deiwa emlang ka I. Laloo, Director of Sports & Youth Affairs.
Neiliang u Montri hawa e yei klam da pynsñiaw u yei kmen yow yoo yei mynsien chongchit ki khynroo wow pynyoo yei sap yong ki ha kini ki sngi wei da pynchlur u leh ya ki wow chim kabu ya kani ka rynsan yow tip ya iwa thymme deiwa yaklam uwi ya uwi yow pynpliah yei sap yong ki.
U Montri da khana u leh ya kiwa boon ki Scheme sorkar kiwa da sdang yow kyntu kynrong yei sap ki khynroo wei yow pynbha pynmiat yei rukom im ki.
Ha kani ka tayaaw da pynman ya kiwa boon ki jait yakob nadooh ki rwai tynre, ki chaad tynre, ki yakob tem Guitar i put chawiang, ka Debate wa Extempore Speech neitæ ka One-Act Play hajrong ka phang “Mission Life,”, wei da em leh ka Talent Hunt wa kiwi kiwi de.
Neiliang u Montri wa kiwi kiwa chah khut sñiawbha da saam ki leh ya ki Trophy wa ki Certificate cha kiwa jop.
Discussion about this post