Ka Super Division ka West Jaiñtia Hills District Sport Association (WJDSA) kawa tip leh kam ka U Kiang Nangbah Memorial Trophy 2023 da poi ko cha ka sngi wa soo ynne deiwa pynman kawi ka yalehke.
Ka yalehke wa da pynman toh hapyrdi ka Nangbah Mulang waka Mynthong heiwa ka Nangbah Mulang da jop ko da 3-1.
Ya ka Nangbah Mulang da thap kool da u Albert Lyngdoh haka minit wa 49 wa 85 wa u Soki Lamare haka minit wa 62 katwa ya ka Mynthong da thap kool da u Pynkhreh Talang haka minit wa 15.
Ka yalehke wa bood u pynman ha ka 23 tarik hapyrdi ka Mukhla Raij SC waka Shangpung Lumiawmuchai heipor 2:00 waje i sngi.
Discussion about this post