Palat 700 ngut kiwa da chah thok ha Meghalaya ha ka App thap poisa

Hadien ka Nagaland wa Assam da em leh palat 700 ngut ki bru ha Meghalaya kiwa da chah thok ha ki Online Investment Scheme wei da antaad wa waroh dapoi palat Rs. 1 klur wa da dooh kini ki bru.

Katkam wa pyntip ka Cyber Wing ka Meghalaya, kiwa chah thok toh na Khasi wa Garo Hills wei dadep wow Register 8 tylli ki Case.

Katkam wa da chem, da em palat 700 ngut kiwa da chah thok tangwa neidaw wa da em kiwa wan chakhmat, ym em de yoh laad kini kiwa chim kabu wow thok ya kiwi de.

Ka takit da chem ko wa ini waroh da sdang ko 5 bnai nachwa heiwa da em ki bru hi wa em hapoh ka jylla kiwa da pynbiej ya ki bru wow thap poisa ki deiwa kular wow yoh chiboon chah.

Kamtæ da em kiwa thap poisa da ki lak, em kiwa da ki hajar katwa kiwi won da ki spah donhi wei hadooh katwon hi wot ka poisa wa da chah rah ha kini kiwa chim kabu daw tip du hadien wa pyndep ya ka takit.

Related posts

Na Tluh yoh ki pulit ka East Jaiñtia ya ka kari wa chah thooh na Mizoram kawa tyrwa dai ha Facebook

January 12, 2026

Yoh kem ki pulit ya uwa dai Drugs ha Soo Kilo

January 9, 2026

I takit da chem ko wa kini ki bru wa thok em ki ha kylleiñ ka ri wei da em Bank Account ki leh ha kiwa boon ki thaw wei da em leh kawi ka Account ha Hong Kong.

I rukom kreh kini ki bru toh deiwa ya pynyatoh lok wa ki bru ha ki Social Media deiwa pynchlur ki wow thap poisa deiwa kular ka nong wa heh bha.

Kini ki bru da pynchlur ki wow thap poisa ha ki Cryptocurrency deiwa kular wow pynuiñ da ka nong wa 50% heiwa kini ki bru da phah ki wow pynemkaam da u App wa tip kam u “Datameer AI” wei hadien wa dep ki bru wow thap boon ka poisa lyngba uni u App, da pynsangeh noh oo wei wiar ki leh kini ki bru.

Ka Cyber Wing ka Meghalaya da pyntip ko wa nadooh u snem 2019 hadooh kattæ da ye wow khang ya kiwa boon ki Bank Account ki bru wa da mut wow thok hadooh Rs. 2.4 klur deiwa phah thap poisa ki bru.