Palat Rs. 31 lak phah su ka MSPCB ya ka PWD wa chna ya u sarok Jowai Bypass khlem da bood kyndon aiñ

Ka mukotduma wa da yaleh da u Khroo L. Pariat ha ka National Green Tribunal (NGT), Principal Bench, New Delhi heiyatoh wa i chah ktah ka wah Myntdu deiwa chna sarok Jowai Bypass ka PWD. Da pynpoi ya ki Report na ka Meghalaya State Pollution Control Board (MSPCB), ka Report na ka Joint Committee wa kiwi de wa da leh heiyatoh wa ini waroh.

Katkam ka jubab lyngba ka Affidavit wa da e da u Member Secretary ka MSPCB, u Dr. George H Chyrmang, da ong wa dadep wow pynchitom ya ka PWD deiwa phah ya ka wow khat ko ya waroh i ktieh i khyndaw wei wow pyntikna leh wym em de ki thaw wa kooid i khyndaw wei yeini da hap wow leh hapoh ar bnai.

Da phah leh wow su ya ka Environmental Compensation ya ka PWD (Roads) kawa dapoi Rs. 31,25,000 wei da e por 30 sngi wow leh yeini deiwa kheiñ nadooh ka 23-03-26. Yeini da leh deiwa kdaw wa tyngkheiñ ya ki kyndon ka aiñ Water (Prevention and Control of Pollution) Act, 1974 wa ka Air (Prevention and Control of Pollution) Act, 1981.

Related posts

U e wai ka sorkar yei thaw wa heh 19.99 Acre cha ka Northeast United FC yow booh ko ya ka Football Academy

October 27, 2026

U thied ka sorkar ya ki hali ha Mawkhanu ha i dor Rs 13.78 klur neibynta ka Knowledge City

October 27, 2026

Najrong wa da phah wow khat ya waroh i khyndaw wa em rap chaneiñ ka wah Myntdu kamjooh ki um wa kai cha ka, da phah leh wow pynskem yei khyndaw yow lait u chah kit chah rong ha u slap.