Palat Rs. 9 klur ka bai chim wai kari ka sorkar wym pu em su, du kiwa tipmit heh wa yoh Bill

Uwa yaleh RTI wa bna naam bha, u Disparsing Rani da maham u wa daw em ka baam tooh wa chyrkhei bha ha ka rukom chim wai kari da ki chnat waphær waphær ka sorkar lada ym pynkrehkaam ya ka Section 66 yong ka Motor Vehicle Act, 1988, neibhah katai ka Section da kdaw che ko wym ye u chim wai ya ki kari kiwa khlem da Register kam ki kari kamai.

U Rani da paan RTI u hawa yatoh wa i chim wai kari yong ka chnat puræ puti wei da ong u wa em i leh buit tooh neibhah da chim wai khlem da khut Tender, wei kiwa emyatoh yoh ki ya ka Bill næ i su katwa ki wym emyatoh ym jooh yoh Bill ki hadooh wa hap ki wow lai chim noh ya ka kari.

Da ong u wa katkam ka Report yong ka Central Vigilance Commission 2016, da chem wa ki kari kiwa da chim wai da ki yung krehkaam sorkar toh ki kari yong kitu kiwa emyatoh wa ki heh ki haiñ wei kiwa yatoh wa ka sorkar.

Da ong u wa katkam wa da yoh yukheiñ u na ki 10 tylli ki District, ha East Khasi Hills, ki kari wa da chim wai da ka chnat pulit da em ki 74 tylli wa ki kari pulit ML-02 kiwa 260 tylli, katwa ka poisa kawa sah wa hap u su cha kiwa e wai man ko 5 klur 93 lak 80 hajar 584 tangka.

Related posts

Da ki moo chah dat pynmynsoo uwa yah Truck wa u Handyman ha kiwa kreh ka Mahajon Coke

December 24, 2024

Dawa ka Bataw na u DC wym toh u mylliñ ya ka chnong hawa chna ya u sarok 4-Lane

December 24, 2024

Ha Mawkyrwat ka chnat da chim wai kari ko 6 tylli, ki kari ML 02 em ki 37 tylli, katwa ka poisa bai kari ka wym pu su man ko 21 lak 5 hajar 602 tangka.

Ha Khliehriat da khana u wa da e daw wym ye u e ya ki Number Plate yong ki kari, tangwa da pyntip wa ki kari pulit ML-02 em ki 45 tylli, wei ka poisa bai wai kari kawa dang sah man ko 8 lak 91 hajar 845 tangka.

Ha Mairang da em 3 tylli ki kari Private, 11 tylli ki ML-02, wei ka poisa wym pu su man ko 7 lak 93 hajar 427 tangka.

Ha Jowai leh da kyntait wow khana yei chim wai kari pulit, wei wot ki kari pulit ML-02 ym em da khana katwon tylli em ki, katwa ka poisa kawa toh u su toh 67 lak 57 hajar 449 tangka.

U Disparsing da khana u wa ha Ri-Bhoi leh ka chnat da kyntait ko wow khana yei pynemkaam kari.

Ha Ampati 13 tylli ki kari wa chim wai, 32 tylli ki kari ML-02, wei ka poisa kawa hap su da man ko 32 lak tangka, ha Tura 35 tylli ki kari wa chim wai, 82 tylli ki ML-02 wei ka poisa wa hap wow su kam ka bai kari man ko 1 klur 58 lak 48 hajar 170 tangka.

Ha Resubelpara 15 tylli ki kari wa chim wai, 54 tylli ki ML-02 wei ka poisa ba sah man ko 98 lak 66 hajar 266 tangka.

U Rani da ong u ha hajrong ini i chem yei pynemkaam kari pulit daw lai ujor u cha u State Vigilance Commissioner uwa man u Chief Secretary ka jylla.