15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Palat T. 2.5 Klur yoh kem drug ha Manipur

0 Comments
Advertisement ad1
Advertisement ad1
Advertisement ad1

Jowai: Ki pulit ka Lilong wa yahkhmat da u Inspector u O. Ajit Singh, u OC/Lilong PS hei emlang u SI W. Manitomba Singh deilang wa ki dkhot ka CSO, Lilong, ALADA da yoh kem ki ya ki ar ngut kiwa khayi drug kiwa tip kam u Moinam Md. Amar Khan (22 snem) wa u Maibam Md. Doctor Rahaman (33 snem) na Nungei, Manipur heipor 9:30 i miet haka 10 tarik uni u bnai.

Da yoh kem 168 Gram wa suba toh i drug Heroine na u Md. Amar Khan wa kawi ka Auto Rickshaw wa em ya u Number MN01L 1589 kawi kit ya ini i drug kamjooh na u Md. Doctor Rahaman.

Advertisement ad1

I dor ini i Heroine man i kamwa T. 33,60,000 wei da pynman yaka takit da ka Lilong Police Station.

Ha iwi tawon i kem drug iwa ha Manipur hi, ka Kuki National Front’s Department of Narcotic Cell da yoh kem ki ya i drug wa chongdor T. 2.5 klur na Kangpokpi District wei da thang ya ini i drug hei sakhi lang ki paidbah haka 9 tarik uni u bnai ha Saparmeina.

Ki drug wa yoh kem kynthup ki yaki WY Tablets, Heroin wa Brown Sugar.

Hawa yaklam wa kiwa pathai khubor hadien wa dep thang ya kini ki drug, u Lamminlun Singsit, General Secretary, Kuki Inpi Kangpokpi District da ong u wa deiwa pyrkhat i joor i khayi drug, i dih drug wa ki kaam pyrchah aiñ wa mih na i drug ha ki khynroo khyllood ha Kangpokpi District ha kini ki snem wa da dep da yaleh wow pyndooh ya kani ka kaam.

Kamtæ da chim yaka rai wow thang ya kini ki drug hakhmat ki paidbah wa ki laad pathai khubor kawa man leh kam ka laad wow pynsñiawthooh paidbah yei ma wa da wanrah i drug hapoh ka District.

Share this:
Previous

Daw pynman yaka Freedom Ride ha kani ka 15 tarik ha Jowai

Next

Pynthymme ka Sieñ Tyllilang Niamtre Ladthadlaboh ya kiwa kitkaam