Haka 15 tarik uni u bnai, ki chipai ka Assam Rifles deilang wa ki pulit ka Manipur ka yoh kem ki yaki mar wa khayi tooh wa chongdor T. 1.63 klur kiwa da wanrah na chiliang u pood ha Chandel.
Haka 16 tarik won, ki chipai ka Assam Rifles da yoh kem ki ya kiwa boon ki tadong wa em ki mar wa khayi tooh kiwa chongdor T. 84.9 lak hajan Khudengthabi, Tengnoupal, Manipur. Ha waroh ar kini ki yoh kem, ki mar kynthup ki nadooh ki juti, ki sula, ki muna wa kiwi kiwi.
Haka 13 tarik, ka Assam Rifles deilang waka Excise & Narcotics Department ka Mizoram da yoh ki wow kem ya uwa dai drugs heiwa na oo da yoh 667 Grams i Heroin iwa chongdor kamwa T. 3 klur ha Hnahthial District.
Haka 15 tarik won, ka Assam Rifles deilang wa ka Mizoram & Customs Department, da yoh kem ki ya 237.5 Gram i Heroin wa chongdor T. 95 lakh wa 68.6 Gram iwa chongdor T. 27.32 lak won haka 16 tarik na thaaiñ Zokhawthar.
Haka 11 tarik, ka Assam Rifles deilang wa ki pulit da yoh kem ki ya arngut ki dkhot ka NSCN(K-NIKKI) wa uwi u wakreh (Over Ground Worker) na thaaiñ Railway station, Dimapur, Nagaland.
Haka 13 tarik won, ka Assam Rifles waka Nagaland Police da yoh ki wow kem ya arngut ki dkhot ka NSCN (IM) na Wokha wa uwi u dkhot ka NSCN (KN) na Dimapur. Da yoh leh wow kem ya 3 tylli ki 12 Bore Rifle, kawi ka 9mm Pistol, ki kuli wa ki mar khayi tooh wa chongdor T. 31 lak.
