I chah siatyap ka Radhika Yadav kawa jooh man kam ka State Level Tennis Player pyn ha u pa ko ha ka 10 tarik da pynkhyrniat i ya kiwa boon heiwa da siat ya ka pyn hapoh i yung wa sah hei step heipor wa dang pynkhreh baam ko ha kamram chet ja.
Ka Radhika kawa man katni kam kawa sikai yaleh Tennis deiwa chim wai ya ki Tennis Court neidaw wym em ko dei yong ka hi i thaw sikai, da pyntikna da ka Post-Mortem Report wa chah siat ko soo sien nadien. U pa ko da pynemkaam u da ka Revolver yong oo wa em License u yow leh yeini.
Ini da jia i ha Gurugram heiwa ki pulit da kem ki leh ya u pa ka Radhika, u Deepak Yadav (49) snem uwa da phla yeini wa leh u.
Da suba ki pulit wa neidaw wa chah pynjaw uni u manpa yei khih ka khon u deiwa e sikai Tennis, da wanrah yei yamai ki neipor cheipor hadooh wa da phah dam u ya ka wow leh yeini. Uni u manpa toh uwa dap wa biang hi neiwa em u boon tylli ki yung wa e wai u.
Katkam wa khana u pasan ka Radhika, mar ya dep u Deepak wow siat ka, da Phone u cha oo deiwa ong, “Pynyap O pyn ya ka khon O, pynyap noh nga”. Da pyntip u leh wa hapoh Police Station da ong u ya ki pulit wow pasi oo.
Chooh chooh da ong u wym em khana u yei daw tangwa da ong donhi wa da biej u.
Da khana u leh wa da mih i yamai neipor cheirpor hapyrdi kini ki ar ngut neidaw i e sikai Tennis ka Radhika wei i kwah ko leh wow leh kiwi de ki kaam kam ki Advertising wa Modelling.
Da pyntip u leh wa u pa ka Radhika da pynlut u yei por wa ka poisa nadooh dang khian ka Radhika yow lai booh dang 5:00 waje i step yow chah sikai leh Tennis ko wei da li thooh u ka heipor 5:00 waje i janmiet.
Da ong u leh wa u pa ka Radhika toh uwa kreh chitom heiwa ha chnong ki nachwa ki toh kiwa yoh nyngkong yei yung wa paka katwa kiwi kiwa chong chnong dang im ki ha ki yung khyndaw yung phlang.
Da suba u leh neidaw wa ka Radhika ym em ko da ka yong ka hi ka Tennis Academy wei hap ko wow lai chim wai ya ki Tennis Court, da sarom u yeini wei da phah u ya ka wow sangeh noh ko wow kamai da kani ka rukom.
Da em leh ki bru wa pynbaad wa da jia ini hadien wa lai ak ka Radhika ha iwi i Music Video tangwa ki pulit da kyntait ki yeini.
Da em leh kiwa ong wa ka Radhika da thmu ko wow lai noh cha baar ri wei ye u man na ini i daw.
Tangwa kawi na ka lok wa yajan bha wa ka Radhika kawa tip kam ka Himaanshika Sing Rajput da ong ko wa u pa ka Radhika toh uwa kwah wow pynlai yei rukom im ko hadooh i rukom riam ko khamtam lada sap ki sula wa tbian wei ym yoh ko leh wow yaklam wa kiwa boon ki bru wei boon i por da im ko samen.
Discussion about this post