Ynne i step uwi u bru ya uwa da tip pyrtuid kam u John Challam uwa em kamwa 40 snem i rta da pyntkut u yei mynsien yong oo hi ha District Jail ka West Jaiñtia Hills kawa em ha Jowai.
Katkam ka yutip wa kajiak wa yoh da ong wa u John Challam da pasi u ha iwi na i paikhana wa em hapoh kani ka patok.
Chooh chooh da ong wa u John da kset ya oo katkam ka hukum na ka kasari heiwa da phah wow kset ya oo hadooh 5 snem.
Uni toh uwa dang chah kset wot wei katkam ka hukum kawa katkam ki kyndon ka khlam COVID-19, da ong wa ya u bru wa chah kset thymme emkaam wow kset kamwa 5 sngi chwa ha ki thaw wa samen (Isolation) chwa wow pynpsiah lang wa kiwi ki bru kamtæ ym em wa yoo heipor wa jia ini.
Neiliang ki pulit hadien wa chem ki yeini iwa jia da leh ki yeiwa emkaam deiwa pynman leh yei takit iwa hajrong ini waroh.
