Uwi u bru wa da chah pynngat hapoh ka aiñ POCSO hadien wa chah pynbaad wa jrong kti khlemakor ya kawi wei da slaitbor u ya kawi won ka khynnah da pasi u ynnin i miet ka 18 tarik hapoh Williamnagar Police Station ha thaw kset ya oo.
Uni u bru wa 50 snem toh uwa kam ya idæ kam uwa e dawai kymbat wei da tip ya oo kam u Jitman Sangma uwa na ka chnong Rongsak iwa dang haap hapoh Chiading Police Station heiwa da chah kem u ha ka 17 tarik hadien wa ujor kawi ka manyung wa leh khlemakor u ya ka khon ki kawa wan thooh dawai.
I rukom leh kaam u Jitman toh deiwa phah u ya ki khynnah hapoh i kamra summar u wow biah dawai ki deiwa ong ya ki bei ki pa wow yang ki cha lait wei ha ini i por da yoh u wow leh khlemakor wei wow chim kabu ya ki khynnah.
Kamtæ kawi ka khynnah da nood ko wow wan chakhmat wow ujor pyrchah ya uni u Jitman yei chim kabu u ka heiwa ki pulit da ki rah ki oo ha ka 17 tarik wei ha ka 18 tarik da wan sa kawi ka khynnah chakhmat kawa da ujor syndon wa slaitbor u ka.
Katkam ka yutip wa da yoh da chem ki pulit wa da dep u pasi heipor wa lai pait sonteri ki ya kiwa chah kset heipor 9:30 i miet ka 18 tarik.
Da pyntip wa da pynemkaam u da ka banian u yow pasi ya idæ.
Discussion about this post