Ka 10th Secondary School Football Tournament da pteiñ ya ka ynnin ka sngi deiwa pynman ar tylli ki yalehke ha Madan Pdengshakap, West Jaiñtia Hills.
Haka yalehke wa nyngkong da pynman hapyrdi ka Khyrwait Naphang FC waka Moosakhia SC heiwa ka Khyrwait Naphang FC da jop ko da 3-1 deiwa yachut Tie-Breaker hadien wa kut ka yalehke da 1-1.
Ya ka Moosakhia SC da thap kool da u Treki Suting haka minit wa 64 katwa yaka Khyrwait Naphang FC won da thap da u Kyrkhu Ryngkhlem haka minit wa 70.
Haka yalehke wa ar ka Shkenpyrsit SC da jop ko yaka Kur Buam da 3-2. Ya ki kool ka Shkenpyrsit SC da thap da u Dajied Wanshong ha ka minit wa 16 wa 37 wa u Suk Bina haka minit wa 72 katwa ya ki kool ka Kur Buam da thap da u Thymmai Buam haka minit wa 42 wa u Ritikut Tariang ha ka minit wa 77.
Ki yalehke haka 27 tarik uni u bnai u pynman artylli kiwa daw sdang da ka Border United waka Golden Lion (Rymbai) heipor 12:00 waje i sngi wei daw pynbood sa i yalehke hapyrdi ka Lamare SC waka YFC Trangblang heipor 2:00 i sngi.
Discussion about this post