Pdengshakap Football Tournament: Jop ka Swer United waka Sengkhihlang FC

Ka 10th Secondary School Football Tournament da pteiñ yaka ynne ka sngi deiwa pynman ar tylli ki yalehke.

Ha ka yalehke wa nyngkong, ka Swer United da jop ko yaka Syndai Combine da 5-4 deiwa ya chut Tie-Breaker hadien wa kut ka yalehke da 0-0.

Ha ka yalehke wa ar, ka Sengkhihlang FC da jop ko yaka Youngstar SC da 5-0 da ki kool wa thap da u Dame Syih haka minit wa 10 wa 25, u Dauru Pale haka minit wa 36, u Lakhon Surong haka minit wa 52 wa u Tremiki Lamurong haka minit wa 64.

Ki yalehke u pteiñ ki haka 20 tarik uni u bnai deiwa pynman ar tylli kiwa yalehke deiwa sdang da ka Moosakhia SC waka Khyrwait Naphang FC heipor 12:00 waje pyrdi sngi wei daw pynbood daka Kur Buam waka Shkenpyrsit SC heipor 2:00 waje i sngi.