Ka 12th Secondary School Football Knock-Out Tournament kawa da pynman ha madan Pdengshakap da pteiñ biang da ar tylli ki yalehke 2nd Round ynne ka sngi.
Ha ka yalehke wa nyngkong, ka Rymbai Shkenshynriah SC da jop ko ya ka Shkenpyrsit SC da 3-0, da ki kool wa thap da u Hesmiki Rymbai haka minit wa 8 wa u Batifer Swer haka minit wa 55 wa 62.
Ha ka yalehke wa ar won, ka Kemidon FC da jop ko ya ka YFC Trangblang da 3-0, da ki kool wa thap u Freddie Tariang haka minit wa 48, u Khraw Nongbri haka minit wa 57 wa u Chibaitki Pamtheid haka minit wa 60.
Kini ki ar liang wa jop da yoh ki wow psiah Quarter Final.
Daw pteiñ biang ya ka yalehke 2nd Round wa khaddooh ha kani ka 21 tarik heipor 12:00 waje pyrdi sngi hapyrdi ka Sengkhihlang FC pyrchah ya ka One Soul Utd wei daw pynbood da ka yalehke Quarter Final hapyrdi ka Rilum Hynniewtrep Utd FC pyrchah ya ka AMJ Boy’s heipor 2:00 waje.
Discussion about this post