U heh ka Congress, u Pawan Kheraynne da kyntu u ya u Prime Minister Narendra Modi wow lai cha Manipur hadien wa sdang biang i awri ha katai ka jylla, wei yeini da ong u heipor wa wan u Modi cha Assam ynne.
U Pawan da ong u wa ka Manipur da iñ ko nadooh u 2023 wei ymtoh u ieh mylliñ ya ka.
Da booh u leh yei dur heiwa da kam u wa da thied Ticket u ya u Modi na Guwahati cha Imphal, wow kyntu wow lai cha katai ka jylla chibet chipor.
U Pawan da ong u leh wa sñiawthooh u yei daw wa lai u Modi cha ki jylla wa daw man Election tangwa ymtoh u mylliñ ya ka Manipur neibhah wa da iñ ko nadooh u 2023 wei katni leh da iñ biang ko.
Ini i klam u Pawan toh wa pteiñ i awri ha Manipur heiwa ha ka 6 tarik uni u bnai da mih biang i awri ha Churachandpur District wow pyrchah yei baam smai ki Deputy Chief Minister ka jylla.
Discussion about this post