Ka 12th Secondary School Football Knock-Out Tournament kawa da pynman ha madan Pdengshakap da pteiñ biang ka da ki ar tylli ki yalehke 2nd Round ynnin ka sngi.
Ha ka yalehke wa nyngkong, ka AMJ The Boy’s da jop ko ya ka KSU Thadmuthlong FC da 9-8 deiwa yachut Tie-breaker hadien wa kut ka yalehke da 1-1. Ya ka chi kool yong ka AMJ The Boy’s da yoh u thap da u Nelson Rymbai haka minit wa 32, katwa yaka KSU Thadmuthlong won da yoh u thap da u Riki Suchiang haka minit wa 56.
Ha ka yalehke wa ar won, ka Halari FC da jop ko ya ka Youngstar SC da 3-0 da ki kool wa thap da u Tip Rasmut haka minit wa 2, u Sunday Marngar haka minit wa 12 wa u Skill Tariang haka minit wa 60.
Kini ki ar liang wa jop da yoh ki wow psiah Quarter Final.
Daw pynman biang ya ki yalehke 2nd Round ha kani ka 14 tarik da ar tylli deiwa sdang da ka Shkenpyrsit SC waka Rymbai Shkenshynriah SC heipor 12:00 waje pyrdi sngi wei daw pynbood da ka YFC Trangblang waka Kemidon FC heipor 2:00 waje i sngi.
Discussion about this post