Ka 11th Secondary School Football Tournament kawa pynman ha madan Pdengshakap da pteiñ biang ya ki yalehke Quarter Final da ka yalehke hapyrdi ka Azad AFC2 wa ka Pohplet FC.
Ha kani ka yalehke, ka Pohplet FC da jop ko ya ka Azad AFC2 da 6-5 deiwa yachut Tie-Breaker hadien wa kut ka yalehke da 0-0.
Kamtæ ka Pohplet da yoh ko u psiah Semi Final ha kani ka Tournament.
Kam wow pynkynmoo wa ki liang wa da yoh u psiah cha ka Semi Final toh ka Nangbah Mulang SC, ka KSF FC deilang ka Pohplet FC.
Kattu u pteiñ biang ya ka yalehke Quarter Final wa khaddooh ha kani ka 15 tarik hapyrdi ka Namrhenlang-I FC wa ka YC Pdengkarong heipor 2:00 waje i sngi.
Discussion about this post