September 21, 2018

Pdiang burom u Lamphang ya ki 4 MLA cha ka yung dorbar chna aiñ ka jylla

Shillong: U Lamphang ka yung dorbar chna aiñ ka jylla, u Dr. Donkupar Roy ynne da pdiang burom u ya ki soo ngut ki MLA wa thymme cha ka yung dorbar wa chiphaw ka jylla.

Chwa wow sdang yaklam hajrong kawon kawon ka phang ha ka dorbar, u Roy da ong u wa kwah u wow pdiang burom ya kiwa mihkhmat wa thymme wa kynthup leh ya u montri rangbah ka jylla, u Conrad K Sangma, uwa dang jop wot na South Tura.

Kiwi kynthup ki ya ka MLA ka Congress na Ampati, ka Miani D Shira, u MLA ka United Democratic Party (UDP) na Ranikor u Pius Marwein wa u MLA ka National People’s Party (NPP) na Williamnagar u Marcuise N Marak.

Chooh chooh u Conrad da ekhublei u ya u Lamphang wa da pyrchang wow leh da ka Live Telecast yong kani ka dorbar.

“Man i iwa miat bha ya ki paidbah ka Shillong yeiwa ki daw kmen bha ki yeini,” da ong u Conrad.

(Feature Image-File Photo)