Pdiang ka FIFA wow kyrriah ya ka Training Base ka Iran na USA cha Mexico | Kiwa yalehke kiwa jooh man kam ki chipai yei ki wym yoh u chimbynta

Ka FIFA da pdiang ko yei kyrpaad ka Iran wow kyrriah ya ka Training Base yong ka ha ka 2026 FIFA World Cup na United States cha Mexico neidaw wa khuslai yei chngaaiñ kiwa yalehke neiwa em ka thma hapyrdi kini ki ar ri.

Yeini da pynbna da u heh ka Football Federation Islamic Republic of Iran, u Mehdi Taj heiwa da pyntip u wa i pdiang ka FIFA yeini toh hadien ka yalang wa man ha Istanbul, Turkey. Tangwa neiliang ka FIFA ym pu em ong ko iyi iyi.

Ka Iran nyngkong da booh ya ka World Cup Base ko ha Tucson, Arizona tangwa kattu u kyrriah noh ya ka cha Tijuana, Mexico ha kani ka lympung wow man ha United States, Canada wa Mexico nadooh 11 tarik u June hadooh 19 tarik u July.

Kiwa yalehke ka Iran toh kiwa em ha Antalya, Turkey kattæ yow pynkhreh, heiwa daw yachem ki wa ka New Zealand ha ka 15 tarik u June, hadien won wa ka Belgium ha ka 21 tarik kiwa waroh ar ha Los Angeles neitæ wa ka Egypt ha Seattle ha ka 26 tarik u jooh u bnai.

Related posts

Wanrah ka Assam ya ka UCC Bill yow khang yei em kurim boon ngut | U tipmit ya kiwa sahlang kam ki chi kurim

May 25, 2026

Chna ki ar ngut ya ka National Record ha ka 100m wa 400m

May 25, 2026

Ka Iran dadep ko wow booh 10 tylli ki kyndon yow chimbynta ki ha kani ka World Cup hadooh wow e laad ya ki Coach deilang ki Player kiwa da pyndep ya ka Military Service deiwa man kam ki chipai ka Islamic Revolutionary Guard Corps (IRGC) wow yoh Visa ki.

Tangwa u Secretary of State ka USA, u Marco Rubio da ong u wa kiwa yalehke kiwa man kam kiwa jooh emyatoh wa ka IRGC daw chem chitom ki wow psiah cha USA.