15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pdiang ka KHADC ya soo tylli ki Bill ha ka dorbar kyrpang

0 Comments
Advertisement ad1

Shillong: Ka Khasi Hills Autonomous District Council (KHADC) ynne ka sngi da mynjur ko ya ki soo tylli ki Bill wa da wanrah da u CEM ka KHADC, u HS Shylla ha ka dorbar kyrpang wa ar sngi.

Ki Bill wa da mynjur da ka dorbar KHADC kynthup ki ya ka aiñ wow khang nei wan psiah tooh ki baar jylla (ILP) kawa tip kam ka Khasi Hills Autonomous District (Inner Line as adopted from the Eastern Frontier Regulation, 1873) Regulation Bill, 2018 wa ka aiñ khang chongkha khleh wa da chna pynmiat thymme, ka Khasi Hills Autonomous District (Khasi Social Custom of Lineage) (First Amendment), Bill, 2018.

Advertisement ad1
Advertisement ad1

Ha kani ka dorbar kyrpang ka KHADC da mynjur ko leh ya ka Building Bye-laws ka Council, ka United Khasi-Jaintia Hills District (Establishment of Town Committee) (Second Amendment), Rules, 2018 wa ka Khasi Hills Autonomous District (Constitution of Subordinate Council of Traditional Chiefs and Headmen) Rules, 2018, wow pynkup bor ya kiwa synchaar chnong, Elaka wa ki Raij.

Hawa klam wa kiwa pathai khubor heiyatoh wa i ong u Montri Rangbah ka jylla, u Conrad K Sangma wa ka KHADC ymye ko wow pynkrehkaam ya ka ILP neibhah ym haap ko hapoh i pait ka Council neiliang u HS Shylla da mynjur u yeini wa ka ILP ym haap ko ha ka Sixth Scheduled wei ym haap ha i pait ka Council, tangwa da pynksan won u wa lada ebor kyrpang ya ka KHADC wa JHADC lyngba ka Resolution wow kyntu ya u Lat ka jylla wow pynkrehkaam u ya ki kyndon ka Bengal Eastern Frontier Regulation, 1873 kawa da chim wei pynwandur ha i dur ka KHAD (Inner Line as adapted from the Eastern Frontier Regulation, 1873) Regulation Bill, 2018.

Da ong wa ini man i katkam i phah ka sorkar lyngba ka chnat Law, Political wa ka DCA wei hadien wa da phah won cha ka Council wow leh yeiwa emkaam u Conrad won kam u wym tip u yeini neibhah wa ki sahep ka sorkar ym em khana ki ya oo.

0 Comments

Leave a Reply