Jowai: Ka MSGF-WJHD ynne ka sngi da pynman ko ya ka Investiture Ceremony namo ka yalang wow pdiang thymme ya ki 9 ngut ki dkhot ha yung krehkaam ka Meghalaya Bharat Scouts & Guides, West Jaiñtia Hills District Headquarter.
Kini ki dkhot wa thymme kynthup ki ya uwi u chynrang wa 8 ngut ki kynthai.
Ya kani ka yalang da pynlai da ka President ka seiñ ka Rithelma Passah hei emlang u W. Lyngdoh, Jt. State Secretary, Meghalaya Bharat Scouts & Guides cum Vice President MBSG Shillong heiwa da pynbaam smai ya kini ki dkhot wa thymme.
Ka seiñ da pynkup burom ko leh ya ka Chwadaka Laloo wa da yoh ko ya ka State Teachers Award ha kani ka 5 tarik uni u bnai.
Ha kani ka yalang da yoh leh yei klam pynsñiawthooh ya ki thong krehkaam ka MSGF wa ki kyntien lamphrang katwa ya ki kyntien khublei da yoh na ka Chwadaka Laloo.
Ki dkhot thymme ka seiñ kynthup ki ya u Hercules Toi, ka Unity Sumer, ka Dalanki Kharsanchai, ka Burom Lhuid, ka Arunima Nonglamin, ka Shidalin Phawa, ka Bymina Shylla, ka Wandaka Passah wa ka Bhalang Passah.
Discussion about this post