Ka sorkar jylla lyngba ka State Cabinet namo ka dhab ki Montri ka sorkar, ynne da pdiang ko ya ka Vehicle Scrappage Policy (VSP), heiwa daw pynsangeh wei wow khang noh i pynemkaam ya 13,000 tylli ki kari ha ka bynta wa nyngkong namo ka First Phase.
Yeini da pyntip da uwa e ktien ka sorkar MDA, u Paul Lyngdoh deiwa ong wa nyngkong u pynsangeh chwa ya kiwa da palat 15 snem i rta wei da em kamwa 5,000 tylli kini ki kari sorkar wow dam noh u pynemkaam hapoh kani ka Policy.
Heiyatoh won wa ki kari samen, da ong u wa nyngkong daw pynsangeh ya kiwa 35 snem tam wei katni em 8,000 tylli kam kitæ ki kari.
Kamtæ da ong u wa em 5,000 tylli ki kari sorkar wa 8,000 tylli ki kari samen, iwa man 13,000 tylli ki kari waroh ki wow hap dam noh u pynemkaam.
Hawa ban yei myntoi na kani ka Policy, da ong u wa ka sorkar u yaleh ko wow pynduna yei tngit ka la’ær, wow pynduna yei dawa phñiang wa kiwi.
Da pyntip u wa du ha Shillong em hadooh 2,76,262 tylli ki kari wa dadep Register.
Discussion about this post