Ynne ka sngi, ka JSU Jowai Circle hapoh i yahkhmat u President, u Borntifulson Rupon da lai pait ko ya u sarok Oorkhla uwa lai chadooh cha thaw pynlang um (Water Treatment Plant) yong ka PHE Electrical Division Jowai.
Katkam ka tip ka seiñ wa uni u sarok da pait da ka chnat PHE Electrical Division wei kattu da ki phaw snem da ieh beiñ hadooh wa da jæd da pra lut uni u surok khlem pynchna hadooh ynne ka sngi.
Ka seiñ da ong ko leh wa da em kiwa boon kiwa chong chnong cha kani ka thaw kiwa da maad yei eh i chitom da ki phaw snem khamtam heipor wa joor slap, wei da joor bha i ktieh wei da boon sa du i thlu wa dap um iwa da pynsaja sakhiat ya kiwa lai wa wan khamtam kiwa sah wa chong ha kini ki thaw.
Ka JSU da sñiawkhia ko wow yoo yei pynslem wow pynchna ya uni u surok uwa da chah ieh beiñ da ki phaw snem kattu wei lada ha sor Jowai dang yoh ki luti ki syngkieñ u chah ieh beiñ, pyrkhat won kammon u jia cha kiwi ki thaw.
Kamtæ ka seiñ da kyntu joor bha ko ya ka chnat PHE wei khamtam ya u MLA ka thaaiñ wow leh yeiwa emkaam hajrong kani ka bynta khang wow yoh myntoi kiwa chong chnong ka thaaiñ.
Discussion about this post