Pdiang kiwa sikai Deficit ka jylla ya ka rai ka MBOSE wow pynthymme noh ya ki kot ki khynnah

Shillong: Ha ka yalang yong ka Khasi Jaiñtia Deficit School Teachers Association (KJDSTA) chirup wa ka Garo Deficit School Teachers Association (GDSTA) da pdiang ya ka rai yong ka Meghalaya Board of School Education (MBOSE) hei yatoh wow kylliang noh ya ki kot puræ yong ki khynnah nadooh Class I hadooh Class X.

U ED Nongsiang President yong ka KJDSTA hawa klam wa kiwa pathai khubor da pyntip u wa ha ka yalang da klam hajrong i pynkylla ya ki kot puræ ka MBOSE heiwa da ya emlang leh ki ki dkhot ka Review Committee, wei da pyntip u leh wa neiliang ka Board ka da sdang ko wow lai chakmat ha kani ka kaam nadooh u bnai Wisu (March) uni u snem.

Da pyntip chooh chooh u wa ki kot puræ nadooh Class I hadooh Class X da pynkylla lut waroh lait noh tang ha ka Subject Health Education neibhah da chem wa bha baar ya kiwi, wei ka Review Committee da chong ko boonsien wow pynwan dur ya ki kot yow man ki katkam ki kyrdan ka CBSE wa ICSE wei ya kini ki kot u sdang noh u sikai nadooh u snem wow wan.

Katwa ya ki kot puræ Class XI wa Class XII won ka MBOSE u kylla ko ha u snem wow wan.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hei yatoh won wa ki dor ki kot thymme, neiliang u Nongsiang da ong u wa ka seiñ kiwa sikai da dep yachem ki wa ki heh ka MBOSE yow pyntikna wa i dor yong ki kot ym yapher palat na ki na ki warim yow lait ko u wanrah yei eh ya ki bei ki pa.

Ha iwi tawon i liang u Nongsiang da ong u wa kiwa sikai ha ki skur Deficit ki da rai ki wow yachem wa u Montri Rangbah ka jylla, u Dr. Mukul Sangma wow pyntikna ya i pynku tulop thymme lyngba ka 5^th Pay Commission.

Da ong u wa hanlada da em kiwa sikai Deficit hapoh ka Fifth Pay Commission tangwa yow pyntikna ya ini daw lai yachem ki wa u Montri Rangbah chwa wow sdang ka dorbar tlang.