Ka Shillong Lajong FC da pdiang sñiawbha biang ko ya Birendra Thapa deiwa pynbna ya oo kam u Assistant Coach neibynta ka samoi ka I-League wa daw wan.
U Thapa toh uwa da em wa ka Club nachwa wei da pynkhreh wow yoh myntoi biang nei chemphang u ha ki kaam yalehbol. Chwa ini, u Thapa da leh u yei kaam Coaching ha ka Mohammedan SC wa Sreenidi Deccan Football Club ha ka I-League.
U Birendra Thapa jooh man u leh kam uwa yalehke ka Lajong wei da man u kam u Coach ka Club nadooh u snem 2013 hadooh 2019, heiwa da lai u cha ka Mohammedan SC ha u 2019 wa cha ka Sreenidi Deccan ha u snem 2021.
Kamtæ ka Club da yooluti ko wa dei stat wa ki buit wa da yoh u Coach Thapa deiwa tip u leh yei rukom krehkaam ka Club daw ye wow poi cha ki moomær wa chakhmat ha kani ka samoi wa daw wan.
Discussion about this post