U Deputy Chief Minister uwa da man leh kam u MLA ka Nartiang la soo sien, u Sniawbhalang Dhar, ynne da ong u wym em wit u wei pdiang sñiawbha u lada em uwon uwon wa wan wow yaleh Election wa kynthup ya u President ka VPP, uwa man leh kam u MLA ka Nongkrem, u Ardent M. Basaiawmoit wow wan yakhun Election na Nartiang Constituency ha ka MLA Election ha u snem 2028.
Hawa yaklam wa kiwa thoh khubor, u Sniawbhalang da ong u wa kani ka MLA Seat man ko neibynta kiwon kiwon kiwa kwah wow yaleh hanla wan ki na kawon kawon ka Party lada ka Congress, VPP, BJP næ UDP wot ya ki kyrtong kiwa na kiwi ki Constituency.
Yeini da ong u Sniawbhalang hadien wa em kiwa klam wa u Ardent da pyrkhat u wow lai yaleh Election na Nartiang.
Hajrong ini, u Sniawbhalang da ong u wa lada leh u Ardent yeini daw ye u chah kyntait won ha kiwa na Nongkrem ki wym pdiang de ya oo.
U Sniawbhalang da ong u wa oo pyrkhat u yei kaam pynroi bar yei yoh Vote deiwa pynrap wa da chynna hadooh katwon da kylla dur ka Nartiang Constituency dei kreh chitom u kam u MLA. Kamtæ sñiaw skem u wa kiwa thap Vote kiwa da jied ya oo kam u MLA la soo sien daw pteiñ ki wow pynyoo yei chaniah ha oo.
Discussion about this post